أنت تقرأ .. » الرئيسية » » حصل يوم الامتحان
حصل يوم الامتحان
[8:54 ص | ]



تاككككككككككسي ... كلية تجارة الله يسترها معاك .. الراجل وقف .. وأول ما ركبت .. ايه ده ؟؟ ... يا نهار مهبب ومطين واسود وغامق اخر اربع خمس حاجات .. ده معاه قطة في التاكسي .. وانا بخـ .. لالا متفهموش غلط .. بقلق من الحيوانات في الاماكن المغلقة بس .. قاعد جنبيه في التاكسي .. وفي قطة تحتنا .. وهموت من الرعب .... الراجل كبير في السن .. والتاكسي كمان شكله علي المعاش .. يا حاج مد شوية .. ده امتحان . مش رايح توكيل راية انا .... يا نهار مدوحس .. خلاص فاضل عشر دقايق ... لأأأأأأأأأة .. علي جنب يا عم البطة .. ................ نيااااااااو .. اسكتي انتي كمان ... ناقصك انا ... نزلت وطلعت اجري علي الكلية ... واول ما وصلت .... دخلت مش فاهم حاجة ... اللجان بدأت .. اسمك ايه يبني .. احمد ... ورقم جلوسك اهو يا عم .. وبطاقتك ... ولسة هينطق تاني .. قولتله لا والله معييش تصريح الدفن .. قالي انت هتهززززززززر .. قولتله ما انت اللي بتهزر .. انا عاوز امتحن يا عم .. قالي اطلع المبني اللي هناك ده .. انت لجنة 11 .. طلعت اجري .. لقيت باب الغرفة مقفول وناس يامة واقفة برة .. ايه يا جدعان .. في ايه .. قالولي الامتحان شغال جوة .... طب وانتوا مش طلبة ولا ايه ..؟ قالولي ايوة ما احنا مستنين مكان يفضي ... نعم يا اخويا ..؟ ........ احنا في مراحيض السيدة ؟؟ .... ... عدي ساعة كاملة واحنا برة .. فاضل ساعة كمان ... يا نهار مهبب ومطين واسود وغامق اخر اربع خمس حاجات .. مش هنمتحن ولا ايه ..؟ .. وكل ما واحد يطلع الناس تجري علشان تلحق .. واخيرا عرفت اخش .. وداخل بنهج وقلبي بيدق .. وحالتي بالبلا .... ولسة هكتب اسمي .... لقيت الراجل اللي شغال في بج بن .. باقي من الوقت تلت ساعة .... طبعا قولت في سري كلام ... يصعب اني اقوله علي المدونة الطاهرة دي .... وطبعا اول اول سؤال دايما مبعرفوش .. قولت اجيب من الاخر .. لسة بقرا اخر سؤال بعد ما سطرت .. سيب القلللللللللللم .. اللهي يحلبوك مع جاموسة هبلة .. بقولك سيب القلم .. خلاص يا عم .. اللهي ينفخ فخادك ويسلخها بحق جاه المصطفي ... خد يا عم ام الورقة اهي .... نزلت طبعا منكس الراس .. وجي اراوح .. تاكسي .. .... نيااااااااااااااااو .. لالالالالالالالالاه .. انت تاني يا عم الحاج ... الي جنة الخلد .. شوفلك سكة .. ركبت ميكروباص وروحت مغموم .. وقاعد سرحان في البيت .. لقيت ايد بتهزني علي كتفي .... احمد .. احمد احمد احمد احمد .. قوم يا حبيبي علشان الامتحان .. الساعة بقت تمانية ونص .. يلا استعد ..

ايه ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟

حلم ؟؟؟ .. يا ولاد التيت !!!!!!!!!!!!!!!!!!!!!!!!؟

مـــــــســروووق



كاتب الموضوع

كلمة رئيس التحرير

اهلا بكم جميع معناعلى موقع اطسا الالكترونى نحن لسنا بمدونة اخبارية ولا نتكفل بعرض اخر الاخبار والتطورات ولكننا مدونة هدفها الاساسى التوعية ونشر الثقافه وحرية التعبير وادارة المدونة تؤكد بأنها لا تنتمى الى اى تيارات سياسيه او فكرية وان هدفها الاساسى مجرد المشاركة الواعية فقط.. ، .

شارك أصدقاءك